"Biz Mali yığmasına qrup mərhələsində artıq bir dəfə məğlub olmuşduq. Ona görə də, qızıl medallar uğrunda görüşə yalnız qalib gəlmək niyyəti ilə çıxmışdıq" - Sportinfo.az xəbər verir ki, bunu İslamiadanın qızıl medalçısı, 3x3 basketbol üzrə Azərbaycan yığma komandasının üzvü Tatyana Deniskina deyib.
Azərbaycanlı oyunçu yığma kpmandasının turnir üzrə ümumilikdə oyunu yüksək qiymətləndirib: "Biz bu oyuna revanş almaq üçün çıxmışdıq və bir tapşırığımız var idi - qalib olmaq, buna da nail olduq", - deyə idmançı əlavə edib.
T.Deniskina, həmçinin Mali yığmasının kobud oynadığını diqqətə çatdırıb: "Biz onlarla artıq oynadığıçız üçün, bu cür oyuna hazır idik. Biz də onlara qarşı sərt oynadıq və məqsədimizə çatdıq".