Azərbaycan taekvondoçuları "Bakı 2015" I Avropa Oyunlarını 9 medalla başa vurublar. Sportinfo.az xəbər verir ki, sonuncu yarış günündə daha 2 medal əldə olunub. Bürünc medal əldə edən Məhəmməd Məmmədovun (63 kq) ardından Ramin Əzizov (87 kq) qızıl medala yiyələnib. Əzizov finalda iranlı Əhməd Məhəmmədini yenib - 16:14.
Beləliklə, Azərbaycan taekvondoçuları günü 1 qızıl, 1 bürünc medalla başa vurublar. Əvvəlki yarış günlərində kişilərdən Ayxan Tağızadə (68 kq), Milad Beigi Hərçəqani (80 kq) və olimpiya çempionu Radik İsayev (+87 kq) qızıl, Qaşım Maqomedov (54 kq) gümüş, qadınlardan isə Patimat Abakarova (49 kq) və Yaprak Eriş (57 kq) qızıl, Fəridə Əzizova (67 kq) gümüş medal əldə edib.
