"Çelsi" "Ayaks"ın futbolçusu Hakim Ziyeşin transferini açıqlayıb.
Sportinfo.az xəbər verir ki, 27 yaşlı yaşlı yarımmüdafiəçinin müqaviləsi 5 il müddətinə nəzərdə tutulub.
Mərakeşli oyunçu mövsümün sonuna kimi "Ayaks"da çıxış edəcək. O, iyulun 1-dən London təmsilçisinə qoşulacaq. Ziyeşin transfer məbləği 40 milyon avrodur. Lakin bonuslarla birgə bu məbləğ daha 4 milyon arta bilər.
Hakim Ziyeş "Ayaks"da 2016-cı ildən çıxış edir. O, cari mövsüm ərzində bütün yarışlarda 32 oyuna 8 qol vurub.