“Arsenal”ın hücumçusu Qabriel Jezus komandası ilə bağlı sualı cavablandırıb.
Sportinfo.az BBC-yə istinadən xəbər verir ki, o, komanda olaraq çox çalışdıqlarını söyləyib:
“Mən çox çalışmaqda davam edirəm. Klubda hər kəs təsdiq edə bilər ki, mən hər gün işləyirəm.
Amma bu, təkcə mənə aid deyil, bütün komandaya aiddir. Mən təslim olmadım,
“Arsenal” kimi böyük klubda oynamaq asan ola bilməz. İndi qol vura bilərəm, xoşbəxtəm.
Çempionluq şansı? Bəli, bu baxımdan əvvəlki iki mövsüm əla idi. Biz çempion olmadıq, amma sona qədər mübarizə apardıq”.
Braziliyalı futbolçu son dörd matçda 6 dəfə fərqlənib.
