Keçmiş hücumçu Robbi Kinin məşqçi kimi yeni klubu müəyyənləşib.
Sportinfo.az xəbər verir ki, irlandiyalı mütəxəssis Macarıstanda çalışacaq.
Kin sabiq “Qarabağ”lılar - braziliyalı vinger Kadi Borges və qanalı hücumçu Kvabena Ovusunun formasını geyindiyi "Ferentsvaroş"un baş məşqçisi təyin olunub.
Bu barədə klubun mətbuat xidməti məlumat yayıb. 44 yaşlı məşqçi ilə imzalanan müqavilənin detalları barədə məlumat verilməyib.
Robbi Kinin son iş yeri İsraildə "Makkabi" olub. Tel-Əviv təmsilçisi onun rəhbərliyi altında ölkə çempionluğunu qazanıb.
