Portuqaliya millisinin sabiq futbolçusu Ruben Semedo paytaxt Lissabonda saxlanılıb.
Sportinfo.az “Correio da Manh” nəşrinə istinadən xəbər verir ki, Səudiyyə Ərəbistanının “Əl-Hor” klubuna məxsus olan 30 yaşlı müdafiəçi ailədaxili zorakılıqda şübhəli bilinərək tutulub.
Oyunçu dekabrın 29-da sevgilisinə hücum edib və onu zorla bir neçə saat evdə saxlayıb. Daha sonra həmin qız xəstəxanaya yerləşdirilib.
Semedo 2021-ci ildə azyaşlı qıza təcavüzdə ittiham edilib.
O, 2018-ci ilin fevralında isə İspaniyadakı gecə klubunun əməkdaşını silahla hədələdikdən sonra həbs edilmişdi. Semedo girov müqabilində həbsxanadan azadlığa buraxılıb.
