Təyyarə qəzasında həyatını itirənlərdən biri də məktəblidir.
Sportinfo.az xəbər verir ki, bununla bağlı onun təhsil aldığı Xətai rayonunda yerləşən 27 nömrəli tam orta məktəb paylaşım edib.
Qeyd edilib ki, məktəbin 8d sinif şagirdi Yeganov Məhəmmədəli Fərid oğlu xəstəxanada dünyasını dəyişib.
Məhəmmədəlinin 13 yaşı var və “Gənclik” futbol klubunda bu idman növünün sirlərini öyrənib.
Aktau yaxınlığında AZAL-ın təyyarəsinin qəzaya uğraması nəticəsində 38 nəfər həlak olub. 29 nəfər, o cümlədən iki uşaq xəsarət alıb.
