AFFA hakimləri təhqir edən baş məşqçiləri 5 oyunluq cəzalandırıb.
Sportinfo.az xəbər verir ki, bu barədə qurumun İntizam Komitəsinin iclasında qərar qəbul olunub.
Dekabrın 1-də Gənclər Liqasında keçirilən “Sumqayıt” - “Zirə” oyununda meydan sahiblərinin baş məşqçisi Kənan Hacıyev hakimlər otağına daxil olaraq təhqiredici sözlər işlətdiyinə görə 5 oyunluq cəzaya məruz qalıb.
“Zirə”nin futbolçusu Hüseyn Ağaverdiyev isə qələbəni “Sumqayıt”ın texniki zonasının qarşısında qeyd etdiyinə görə 2-si şərti olmaqla 3 oyunluq diskvalifikasiya olunub. Sınaq müddəti 3 ay təyin edilib.
AFFA U-14 Liqasında keçirilən “Çinar” –”Azəri” oyununda isə “Çinar”ın baş məqşçisi Elçin Quziryani hakimlər briqadasını təhqir etməklə yanaşı, texniki zona qaydalarını pozduğu, həmçinin referilərə fiziki təzyiq etdiyi üçün qırmızı vərəqə ilə cəzalandırıldığına görə 5 oyun diskvalifikasiya edilib.
