“Keşlə”nin (indiki "Şamaxı") sabiq baş məşqçisi Yuri Maksimovun yeni iş yeri müəyyənləşib.
Sportinfo.az xəbər verir ki, ukraynalı mütəxəssis ölkəsində "Vorskla"nın baş məşqçisi təyin edilib.
Bu barədə Premyer Liqa təmsilçisinin rəsmi saytı məlumat yayıb. Maksimovla 2026-cı ilin iyununa qədər müqavilə imzalanıb.
Son vaxtlar Yuri Maksimovun adı "Sumqayıt"la da hallanırdı.
Yuri Maksimov 2017-2018 mövsümündə “Keşlə”ni çalışdırıb. O, paytaxt klubuna Azərbaycan kubokunu qazandırıb.
Son olaraq ölkəsində "Dnepr-1"i işləyən mütəxəssis 2019-2022-ci illərdə də "Vorskla"nın baş məşqçisi olub.
