Braziliya millisinin sabiq forvardı Vaqner Lav özünə yeni komanda tapıb.
Sportinfo.az xəbər verir ki, 40 yaşlı hücumçu "Avai" ilə anlaşıb.
Bu barədə klubun mətbuat xidməti məlumat yayıb.
O, Braziliya çempionatının ikinci divizionunda mübarizə aparan "Avai" ilə 1 illik müqavilə imzalayıb.
Vaqnerin adı bir müddət əvvəl "Sabah" və "Qarabağ"la hallanırdı.
Lav buna qədər 12 klubda çıxış edib. Onların arasında "Palmeyras", "Flamenqo", SSKA (Moskva), "Monako", "Alanyaspor" və "Beşiktaş" da var.
