.jpg)
Ötən yay “Qarabağ”ın, bu "transfer pəncərəsi"ndə isə “Neftçi”nin heyətinə qatmaq istədiyi Ceyson Lokilonun yeni komandası bəlli olub.
Sportinfo.az xəbər verir ki, 25 yaşlı sağ vinger karyerasını Azərbaycanda deyil, Bolqarıstanda davam etdirmək qərarına gəlib.
Konqo əsilli belçikalı futbolçu ÇSKA (Sofiya) ilə 3 illik müqavilə imzalayıb.
Ceyson Lokilo karyerası ərzində “Kristal Pelas”, “Loryan”, “Donkaster”, “Qurnik”, “Sparta” (Rotterdam), “İstanbulspor”, “Hall Siti”, “Vizela” klublarında çıxış edib.
O, ötən mövsümün ilk hissəsini "Hall Siti"də keçirib, Çempionşipdə 18 matçda qol və ya məhsuldar ötürmə ilə yadda qalmayıb.
2024-cü ilin fevralından "Vizela"da icarə əsasında oynayan vinger Portuqaliya liqasında 10 görüşdə 1 qol vurub və 1 assist edib.
