"Xankəndi şəhər stadionunda təmir-bərpa və yenidənqurma işləri davam etdirilir".
Sportinfo.az xəbər verir ki, bunu gənclər və idman naziri Fərid Qayıbov deyib.
"Təmirdən sonra oyunlar keçiriləcək. Xankəndi şəhər stadionunda davamlı oyunların keçirilməsini planlaşdırırıq", - nazir əlavə edib.
Xankəndi şəhərində yerləşən stadionda ilk oyunun dekabrın 21-də keçirilməsi nəzərdə tutulub. Matçın Azərbaycan kubokunun 1/8 finalında "Qarabağ” – MOİK arasında keçiriləcəyi gözlənilir.
Xankəndi şəhər stadionu 1956-cı ildə istifadəyə verilib.
