"Real" Almaniya klubu ilə qarşılaşacaq - UEFA Super Kuboku

10 Avqust 12:20 Gündəm 227
"Real" Almaniya klubu ilə qarşılaşacaq - UEFA Super Kuboku

Bu gün Finlandiyanın paytaxtı Helsinkidə UEFA Super Kuboku uğrunda oyun keçiriləcək.

Sportinfo.az xəbər verir ki, "Real" və "Ayntraxt" (Frankfurt) arasında Helsinki Olimpiya Stadionunda oynanılacaq görüş Bakı vaxtı ilə saat 23:00-da başlayacaq.

Qarşılaşmanı ingiltərəli FIFA referisi Maykl Oliver idarə edəcək.

"Kral klubu" Çempionlar Liqasının, Frankfurt təmsilçisi isə Avropa Liqasının son qalibi kimi Superkubok matçında oynamaq hüququ qazanıb.

Tərəflər 62 ildən sonra yenidən avrokubokların finalında qarşılaşacaq. İspaniya və Almaniya təmsilçiləri daha əvvəl 1959/1960 mövsümündə Çempionlar Kubokunun həlledici oyununda bir-birinə rəqib olub.

Həmin görüşdə 7:3 hesablı qələbə qazanan Madrid klubu ardıcıl 5-ci dəfə titula sahib çıxmışdı.

Avropa futbol qurumu qu qarşılaşmada ilk dəfə Yar Avtomatlaşdırılmış Ofsayd Texnologiyasını tətbiq edəcək. Yeni sistem hər oyunçunun 29 fərqli bədən nöqtəsini izləyə bilən xüsusi kameralar sayəsində işləyəcək.

Bunadək 7 dəfə Superkubok matçına çıxan "Real Madrid" bunların 4-də qələbə qazanıb. "Ayntraxt" isə ilk dəfə belə bir qarşılaşmada iştirak edəcək.

İndiyədək bu titula ən çox İspaniya "Barselona"sı ilə İtaliya "Milan"ı yiyələnib. Hər iki komanda 5 dəfə qələbə sevinci yaşayıb.

10 avqust

23:00. "Real Madrid" (İspaniya) - "Ayntraxt" (Frankfurt, Almaniya)

Baş hakim: Maykl Oliver

Helsinki Olimpiya Stadionu

Digər Xəbərlər
Xəbər Lenti
30 Sentyabr 14:30 "Sportinfo TV”də GÜNDƏM
30 Sentyabr 02:00 Azərbaycan Türkiyə ilə...