Bu gün DÇ-2022-nin seçmə mərhələsi çərçivəsində Belqradda üz-üzə gələcək Serbiya və Azərbaycan milliləri tanış rəqiblərdir.
Bu iki yığma 2003-cü ildə, yəni AÇ-2004-ün seçmə mərhələsindən bu yana 5 dəfə üzləşiblər.
Bu oyunlarda 1 qələbə qazanan bizimkilər 1 dəfə heç-heçəyə nail olub.
Digər 3 halda məğlubiyyət acısı yaşanıb. Sadəcə, uğura sevindiyimiz dönəmlərdə Serbiya Monteneqrodan ayrılmamışdı.
Keçmişə qısa “səyahət” edək.
AÇ-2004
12.02.2003 Podqoritsa Serbiya və Monteneqro – Azərbaycan 2:2
11.06.2003 Bakı Azərbaycan – Serbiya və Monteneqro 2:1
AÇ-2008
02.09.2006 Belqrad Serbiya – Azərbaycan 1:0
17.10.2007 Bakı Azərbaycan – Serbiya 1:6
DÇ-2022
30.03.2021 Bakı Azərbaycan – Serbiya 1:2
Göründüyü kimi, millimiz bu rəqiblə 5 oyunda 6 qol vurmağa nail olub. Bu qədər görüşün yalnız birində fərqlənmək mümkün olmayıb.
Statistikanın inandırmaq “bacarığı” bu axşam bizimkilərin “Rayko Mitiç”də qol vuracağını deyir. Qalır əsas suala cavab tapmaq: qolu və ya qolları kim vuracaq?
SPORTİNFO.AZ