Yunan-Roma güləşi üzrə Azərbaycan milli komandası Norveçin paytaxtı Oslodakı dünya çempionatını 3-cü pillədə başa vurub.
Sportinfo.az xəbər verir ki, baş məşqçi Aleksandr Tarakanov, böyük məşqçi Rövşən Bayramov və məşqçi Həsən Əliyevin rəhbərliyi altında yığma 1 qızıl, 1 gümüş və 2 bürünc medalla 107 xal toplayıb.
Rusiya 152 xalla birinci, İran 146 xalla ikinci pillədə qərarlaşıb.
Beləliklə, Azərbaycan komandası 6 illik fasilədən sonra Dünya çempionatında ilk "3-lük"də qərarlaşıb. Bundan başqa, Azərbaycan yunan-Roma güləşi tarixində ilk dəfə mundialda 4 medal qazanıb ki, bu da rekord nəticədir.
Osloda Rafiq Hüseynov (82 kq) qızıl, Sənan Süleymanov (77 kq) gümüş, Eldəniz Əzizli (55 kq) və Murad Məmmədov (60 kq) bürünc medal qazanıb.