.jpg)
Bu gün futzal üzrə UEFA Çempionlar Liqasında ilkin mərhələnin püşkü atılıb.
Sportinfo.az xəbər verir ki, "Araz Naxçıvan"ın rəqibləri bəlli olub.
Joze Alesio Da Silvanın baş məşqi olduğu Azərbaycan təmsilçisi F qrupunda "Raba" (Latviya), "Kampuksen Dinamo" (Finlandiya) və "Europa" (Cəbəllüratiq) ilə üz-üzə gələcək.
İlkin mərhələnin oyunlarına 8 ölkə ev sahibliyi edir. Avqustun 20-dən 25-dək keçiriləcək oyunlar Almaniya, İsveçrə, Şimali Makedoniya, Yunanıstan, Estoniya, Latviya, Albaniya və Monteneqroda təşkil ediləcək.
"Araz Naxçıvan" qarşılaşmalarını Latviyada oynayacaq.
8 qrupun qalibi və ən yaxşı 2-ci yer sahibi əsas mərhələyə yüksələcək.
