“Neftçi”nin gəncləri böyük hesabla uduzdu, “Sumqayıt” darmadağın etdi

Əvəzedicilər Liqasında 20-ci tura yekun vurulub.

Sportinfo.az xəbər verir ki, son oyun günündə 2 matç keçirilib.

“Sumqayıt-2” evdə “Araz-Naxçıvan-2”yə 6:0 hesabı ilə qalib gəlib.

Turun son matçında “Qəbələ-2” “Neftçi-2”nin qonağı olub.

Çempionatın liderlərinin iştirakı ilə baş tutan mərkəzi qarşılaşma məhsuldar alınıb. “Qırmızı-qaralar” səfərdə 4:1 hesablı qələbə qazanıb.

İlk 45 dəqiqədə Sənan Ağalarov, Emil Süleymanov və Emil Süleymanovun vurduğu qollar komandamıza böyük üstünlük qazandırıb.

Matçın sonlarında Xəyyam Məmmədli fərqi 4 topa çatdırıb. Bakı təmsilçisi bu toplardan birinin əvəzini çıxa bilib.

Beləliklə, Famil Xəlilovun baş məşqçisi olduğu komanda liderə 4:1 hesabı ilə qalib gəlib. 20 oyundan sonra hesabında 45 xal olan "Qəbələ-2” turnir cədvəlində ikincidir.

“Araz-Naxçıvan-2” – “Sumqayıt-2” 0:6
Qollar: Qabil Əlizadə, 36, 45, Tural Axverdiyev, 55, Əjdər Hacılı, 70, Nadir Orucov, 84, Rüstəm Hümbətov, 88
Binə qəsəbə stadionu

“Neftçi-2” – “Qəbələ-2” 1:4
Qollar: Turan Vəlizadə, 79-pen - Sənan Ağalarov, 21. Emil Süleymanov, 27, 41, Xəyyam Məmmədli, 77
“Neftçi Futbol Mərkəzi” (4-cü meydança)

N	Klublar	O	Q	H	M	T-F	X
1	Neftçi-2	20	16	1	3	61-18	49
2	Qəbələ-2	20	14	3	3	54-23	45
3	Sabah-2	20	13	1	6	44-29	40
4	Qarabağ-2	20	9	3	8	33-26	30
5	Zirə-2	20	8	5	7	29-29	29
6	Sumqayıt-2	20	8	1	11	38-45	25
7	Səbail-2	20	6	3	11	27-38	21
8	Araz-Naxçıvan-2	20	6	1	13	20-47	19
9	Kəpəz-2	20	5	3	12	15-37	18
10	Turan Tovuz-2	20	4	1	15	25-54	13

Bombardirlər:

Sənan Ağalarov ("Qəbələ-2") - 15 qol
Ağadadaş Salyanskiy ("Neftçi-2") - 14 qol
Uğur Cahangirov ("Sumqayıt-2") - 14 qol
Bahadur Quliyev ("Neftçi-2") - 9 qol
Xəyal Əliyev ("Sabah-2") - 8 qol
Eşqin Əhmədov ("Qəbələ-2) - 7 qol