Əvəzedicilər Liqasında 17-ci tur arxada qalmaq üzrədir.
"Zirə-2" bu dəfə Tovuzda "Turan"ın qonağı olub.
Matç qəsəbə təmsilçisinin inamlı qələbəsi ilə başa çatıb - 3:0.
Qarşılaşmada vurulan ikinci qol xüsusilə maraqlı alınıb.
Belə ki, "qartallar"ın 17 yaşlı qolkiperi Səlim Həşimov 78-ci dəqiqədə öz cərimə meydançasından vurduğu zərbəylə həmkarı Elxan Qasımovun qoruduğu qapının torunu silkələyib.
Səlimin kimliyi də diqqətdən yayınmamalıdır. Onun atası Zaur Həşimov elə bu komandanın baş məşqçisidir.
Ata-oğul cari mövsümdən bir yerdə çalışır.
«Zirə»nin əvəzediciləri çempionatın arxada qalan hissəsində 28 xal toplayıb və turnir cədvəlinin 4-cü pilləsində qərarlaşıb.
Zaur Həşimov 17 turun 16-da övladını «1 nömrə» kimi ilk dəqiqələrdən meydana buraxıb. Səlim bu matçlarda qapısında 18 qol görüb.
SPORTİNFO.AZ
Kifayət qədər baxımlı olan qola aşğıdakı linkdə baxa bilərsiz.
.jpg)
.jpg)
