Portuqaliyalı məşqçi Joze Mourinyo “heç vaxt işləmədiyi futbolçulardan hansını komandasına almaq istəyərdi” sualına cavab verib.
Sportinfo.az “TNT Sports”-a istinadən xəbər verir ki, Mourinyo Lionel Messiyə işarə vurub və onu bir nəslin ən yaxşı oyunçusu hesab etdiyini deyib:
“Əlbəttə ki, balaca oğlanı deyəcəm. Mən onun məşqçisi ola bilməzdim, amma onun adını çəkməli idim. O, bizim nəslin ən yaxşısı idi”.
Lionel Messi karyerası ərzində 8 dəfə “qızıl top”u qazanıb. Kriştiano Ronaldo isə bu mükafatı 5 dəfə əldə edib.
Joze Mourinyo bir müddət əvvəl “Fənərbaxça”nın baş məşqçisi olub.
