FİFA-nın rəhbəri Canni İnfantino namizədliyi ətrafında artan təzyiqlər fonunda ABŞ prezidenti Donald Trampın administrasiyasından dəstək istəməyə hazırlaşır.
Sportinfo.az xarici KİV-ə istinadən xəbər verir ki, İnfantino bu gün Tramp administrasiyasının üzvləri ilə telefon danışığı aparacaq.
Son günlər FİFA-nın prezidentinin mövqeyi zəifləyib. Uels Futbol Assosiasiyası artıq 2027-ci il prezident seçkilərində İnfantinonun namizədliyini dəstəkləməkdən imtina edib,
İngiltərə Futbol Assosiasiyası isə analoji qərarla bağlı məktub hazırlayıb.
Bundan əlavə, UEFA-nın turnirlərin kommersiya hüquqlarındakı payın özəl investorlara satılması layihəsinə görə FİFA-ya qarşı məhkəmə iddiası qaldırmağı nəzərdən keçirdiyi bildirilir.
