ABŞ Prezidenti Donald Tramp Portuqaliya millisinin və Səudiyyə Ərəbistanının “Əl Nəsr” klubunun futbolçusu Kriştiano Ronaldoya videomüraciət ünvanlayıb.
Sportinfo.az xəbər verir ki, Tramp özünün rəsmi “TikTok” səhifəsində paylaşdığı videoda portuqaliyalı ulduzu “bütün zamanların ən böyüyü” (GOAT) adlandırıb.
Prezident futbolçunu mümkün qədər tez ABŞ-yə gəlməyə çağırıb:
“Sən bizə ABŞ-də lazımsan. Sən bütün zamanların ən böyük oyunçususan”.
Sözügedən müraciət Ronaldonun karyerasını ABŞ-nin MLS liqasında davam etdirə biləcəyi ilə bağlı yayılan şayiələri daha da gücləndirib.
