“Mançester Yunayted”in kapitanı Bruno Fernandes karyerası boyunca birlikdə oynadığı ən yaxşı beş futbolçudan ibarət heyət tərtib edib.
Sportinfo.az xarici KİV-ə istinadən xəbər verir ki, o, Portuqaliya millisində sabiq komanda yoldaşı Pepeni yeganə müdafiəçi olaraq seçib.
“Qırmızı şeytanlar”ın sabiq oyunçuları Xuan Mata və Pol Poqba yarımmüdafiə dueti olub,
Kriştiano Ronaldo və Antonio Di Natale isə hücum mövqelərini tutub. “Mançester Yunayted”in hazırkı oyunçularından heç biri heyətə daxil edilməyib.
Fernandes 2020-ci ilin əvvəlindən “Mançester Yunayted”də çıxış edir. Futbolçu İngiltərə klubuna keçməzdən əvvəl “Sportinq”, “Sampdoriya”, “Udineze” və “Novara”da oynayıb.
