Argentina millisinin veteran futbolçusu, hazırda “İnter”də vitse-prezident vəzifəsində çalışan Xavyer Zanetti “TMW”yə danışıb.
Sportinfo.az xəbər verir ki, argentinalı futbol tarixinin ən güclü oyunçusunun kim olması ilə bağlı fikirlərini bildirib.
O, həmyerlisini hamıdan güclü olduğunu adlandırıb:
“Dünya futbolunda əla oyunçular çox olub və indi də var. Amma tarixin ən güclü futbolçusunun adını soruşursunuzsa, məncə, bu, şübhəsiz ki, Lionel Messidi”.
49 yaşlı futbol adamı 1995-2014-cü illərdə “İnter” və 1994-2011-ci illərdə Argentina yığmasında çıxış edib.
