Bütün dünya 2 gün gözünü Bakıdan çəkməyəcək

14 Fevral 09:14 Digər növlər 185
Bütün dünya 2 gün gözünü Bakıdan çəkməyəcək

Fevralın 15-də Milli Gimnastika Arenasında batut gimnastikası və tamblinq üzrə Dünya Kubokuna start veriləcək.

Sportinfo.az xəbər verir ki, iki gün davam edəcək yarış Yaponiyanın paytaxtı Tokioda keçiriləcək Yay Olimpiya Oyunlarına lisenziya xarakteri daşıyacaq.

Yarışın ilk günündə təsnifat, ikinci günü isə final mərhələləri keçiriləcək. Dünya Kubokunda Azərbaycanı Selcan Mahsudova batut, Fərid Mustafayev isə tamblinq növündə təmsil edəcək.

Turnirdə ən yüksək icra xalını toplamış gimnastlara ənənəvi “AGF Trophy” Kuboku da təqdim olunacaq.

Dünya Kubokunda 30 ölkənin 150-dək gimnastı mübarizə aparacaq. Biletləri Arenanın kassasından, həmçinin onlayn https://ticketing.mga.az/ əldə etmək mümkündür. Təsnifat günü üçün biletlərin qiyməti 10 manat, final gününə 15 manat təşkil edir.

Ötən il Bakıda baş tutmuş batut gimnastikası üzrə Dünya Kuboku da olimpiadaya təsnifat xarakterli olub. 2021-ci ildə isə Azərbaycanda ilk dəfə batut gimnastikası üzrə dünya çempionatı təşkil ediləcək.

Xəbər Lenti
22 Fevral 23:50 Runinin 500-cü oyunu
22 Fevral 19:19 "Mən bundan qorxurdum"
22 Fevral 12:58 Neymar ən yaxşı seçildi
22 Fevral 09:56 Kapitandan üzücü xəbər
22 Fevral 01:52 MOİK yenə uduzdu - VİDEO