V İslam Həmrəyliyi Oyunlarında aerobika gimnastikası üzrə yarışlarda üçlük tərkibində çıxış edən Azərbaycan gimnastları gümüş medal qazanıblar.
Sportinfo.az xəbər verir ki, üçlüyün tərkibində aerobika gimnastikası üzrə Azərbaycan milli komandasının üzvləri - Xoşqədəm Quliyeva, Mədinə Mustafayeva və Vladimir Dolmatov olublar.
V İslam Həmrəyliyi Oyunları Türkiyənin Konya şəhərində keçirilir. Oyunlar avqustun 18-dək davam edəcək.
Ümumilikdə İslam Həmrəyliyi Oyunlarında İslam Əməkdaşlıq Təşkilatına üzv olan 56 ölkənin idmançıları iştirak edir.
