İki gimnastımız finala vəsiqə qazandı - Avropa çempionatı

12 İyun 00:00 Digər növlər 131
İki gimnastımız finala vəsiqə qazandı - Avropa çempionatı

Azərbaycanın bədii gimnastları Zöhrə Ağamirova və Arzu Cəlilova Bolqarıstanın Varna şəhərində keçirilən Avropa çempionatında finala vəsiqə qazanıblar.

Sportinfo.az xəbər verir ki, fərdi proqramda çıxış edən idmançılar təsnifat mərhələsini uğurla adlayıblar.

Ağamirova halqa ilə hərəkətlərdə 22.950, topla hərəkətlərdə 24.750, gürzlə hərəkətlərdə isə 25.000 xal toplayıb.

O, lentlə hərəkətlərdəki çıxışına görə 21.100 xal alsa da, bu, iki gün ərzində 4 hərəkət arasında ən aşağı göstərici olduğundan hesaba alınmayıb.

Buna baxmayaraq, 3 hərəkətin cəmində ümumilikdə 72.700 xal yığan gimnast 12-ci sıranı tutmaqla həlledici mərhələyə adlayıb.

Cəlilova isə təsnifat mərhələsini 20-ci yerdə başa vuraraq finala çıxıb. Hakimlər onun halqa (23.100), gürz (24.250) və lentlə (20.000) hərəkətlərdəki çıxışını ümumilikdə 67.350 xalla qiymətləndiriblər.

Final mərhələsinə ilk 24 pillənin sahibləri vəsiqə əldə ediblər.

Azərbaycanı qrup hərəkətləri proqramında isə Zeynəb Hümmətova, Darya Sorokina, Ləman Əlimuradova, Nərminə Səmədova və Yelizaveta Luzan təmsil edirlər.

Digər Xəbərlər
Xəbər Lenti
23 İyul 13:00 Həminki "Qarabağ"
22 İyul 23:10 "Buna imkan vermədilər"