İspaniyanın Las-Palmas-de-Qran-Kanariya şəhərində keçirilən cüdo üzrə yeniyetmələr arasında Avropa çempionatının ikinci yarış günündə Azərbaycan millisi hesabındakı medalların sayını yeddiyə çatdırıb.
Sportinfo.az xəbər verir ki, Sadiq Məmmədov (73 kq) finala qədər uğurla irəliləyib.
Cüdoçumuz həlledici görüşdə Bolqarıstan təmsilçisi İvan Nikolçevə məğlub olaraq Avropa çempionatının gümüş medalına sahib çıxıb.
İlkin Qarayev (66 kq) isə üçüncü yer uğrunda qarşılaşmada çexiyalı Hinek Şvetsə qalib gələrək, bürünc medal qazanıb.
Yarışın ilk günündə millimizin heyətində Zəhra Quliyeva (40 kq), Nihad Ağayev (50 kq) qızıl, Fərid Rzazadə (50 kq) gümüş, İbrahim Talıbov (55 kq) və Könül Eyvazlı (48 kq) isə bürünc medala yiyələniblər.
