"France Football" nəşri Çempionlar Liqası tarixində ən yaxşı qolların reytinqini tərtib edib.
Sportinfo.az xəbər verir ki, birinci yerə 2001/2002 mövsümündə "Real"ın yarımmüdafiəçisi Zinəddin Zidanın finalda "Bayer"in qapısına endirdiyi dəqiq zərbə layiq görülüb.
Həmin matç "kral klubu"nun qələbəsi ilə yekunlaşıb - 2:1.
İkinci yeri "Fiorentina"nın orta sahə oyunçusu Mauro Bressanın "Barselona"ya 1999-cu ildə, üçüncü pilləni isə Kriştianu Ronaldunun "Real"ın heyətində hazırkı komandası "Yuventus"a 2017/2018 mövsümündə vurduğu qol tutub.