Çempionlar Liqasının qrup mərhələsinin 5-ci turunun "Srvena Zvezda" - "Bavariya" oyunu (0:6) qonaqların hücumçusu Robert Levandovski üçün yaddaqalan olub.
Sportinfo.az xəbər verir ki, 31 yaşlı polyak forvard 15 dəqiqəyə 4 qol vurmaqla tarixə düşüb.
Pokeri ikinci hissədə edən Münhen klubunun üzvü "Bavariya"nın heyətində ÇL-də vurduğu qolların sayını 46-ya çatdırıb. O, Almaniya təmsilçisinin ÇL-dəki bombardiri Tomas Mülleri (43 qol) arxada qoyub.
Levandovski Çempionlar Liqasında vurduğu 63 qolla Kriştianu Ronaldo (127), Lionel Messi (113), Raul Qonzales (71) və Kərim Benzemadan geri qalır.