"Geniş heyətimiz olsa da, bizi iyulun 12-də "Qarabağ"la ağır döyüş, gərgin səfər oyunu gözləyir".
Sportinfo.az xəbər verir ki, bunu "Lex"in baş məşqçisi Con van den Brom Bakıa "Qarabağ"a qarşı keçirəcəkləri Çempionlar Liqasının I təsnifat mərhələsinin cavab matçı barədə danışarkən deyib.
Niderlandlı mütəxəssis görüşün həddindən artıq çətin olacağını bildirib:
"Bizi ağır döyüş gözləyir. Baş məşqçi kimi əlimdəki 22-23 futbolçunun hamısından istifadə etməliyəm".
Tofiq Bəhramov adına Respublika stadionunda keçiriləcək "Qarabağ" - "Lex" oyunu saat 20:00-da başlayacaq. Poznandakı ilk görüşdə Ağdam təmsilçisi minimal hesabla uduzub - 0:1.
