Çempionlar Liqasında digər finalçının da adına aydınlıq gəlib.
Sportinfo.az xəbər verir ki, yarımfinal mərhələsinin cavab oyununda İspaniyada "Mançester Siti"ni 3:1 hesabı ilə məğlub edən "Real" həlledici qarşılaşmaya vəsiqə qazanıb.
Hesabı 73-cü dəqiqədə qonaqlardan Riyad Mahrez açıb. Meydan sahibləri 90-cı və 90+1-ci dəqiqələrdə Rodriqonun vurduğu qollarla ümumi hesabı bərabərləşdirib.
Bu səbəbdən görüşdə əlavə vaxt oynanılıb. 95-ci dəqiqə Kərim Benzema penaltidən fərqlənməklə, 3-cü topu rəqibin qapısından keçirib və yekun hesabı müəyyənləşdirib.
İngiltərədəki ilk qarşılaşmada meydan sahibləri qələbə qazanmışdılar - 4:3.
"Real" finalda İngiltərənin digər təmsilçisi "Liverpul"la qarşılaşacaq. Həlledici oyun mayın 28-də Fransanın paytaxtı Parisdəki "Stad de Frans"da keçiriləcək. Görüş Bakı vaxtı ilə saat 23:00-da başlayacaq.
4 may
"Real Madrid" (İspaniya) - "Mançester Siti" (İngiltərə) - 3:1 (ƏLAVƏ VAXTDA - 1:0)
Qollar: Rodriqo, 90; 90+1 - Riyad Mahrez, 73
Baş hakim: Daniele Orsato (İtaliya)
Madrid, "Santyaqo Bernabeu" stadionu.
İlk oyun - 3:4
