Çempionlar Liqasında yarımfinal mərhələsinin ilk oyunlarına yekun vurulub.
Sportinfo.az xəbər verir ki, bu raundun ikinci matçında "Liverpul "Vilyarreal"ı qəbul edib.
"Enfild" stadionundakı görüş meydan sahiblərinin 2:0 hesablı qələbəsi ilə başa çatıb.
Hər 2 qol ikinci hissədə vurulub. Hesab 53-cü dəqiqədə açılıb. Qonaqların qapıçısı Xeronimo Rulyi avtoqol müəllifi olub. Cəmi 2 dəqiqə sonra isə Sadio Mane fərqlənib.
Komandalar arasında cavab matçı mayın 3-də İspaniyada keçiriləcək.
28 aprel
"Liverpul" (İngiltərə) - "Vilyarreal" (İspaniya) - 2:0
Qollar: Xeronimo Rulyi, 53 (avtoqol), Sadio Mane, 55
Baş hakim: Şimon Marçinyak (Polşa)
Liverpul, "Enfild" stadionu