“Real”ın sabiq baş direktoru Xorxe Valdano Çempionlar Liqasının 1/4 final mərhələsinin “Çelsi” ilə cavab oyunundan (2:3) sonra fikirlərini bildirib.
Sportinfo.az xəbər verir ki, Valdano UEFA-nın rəsmi saytına verdiyi açıqlamada “Santyaqo Bernabeu”da inanılmaz hadisələrin yaşandığını vurğulayıb:
“Matçın əksər hissəsində “Real” böyük komandanın hücumuna müqavimət göstərməli oldu. Lakin bu hücumlardan qurtula bildi və yoluna davam edir.
Bunda sehrli bir şey var. “Santyaqo Bernabeuda” qəribə hadisələr baş verir”.
“Real” “Stemford Bric”də keçirilən ilk qarşılaşmada qalib gəlmişdi – 3:1.
