Bu gün Çempionlar Liqasında qrup mərhələsinin 4-cü turuna start verilib.
Sportinfo.az xəbər verir ki, ilk oyun günündə E, F, G və H qrupunun qarşılaşmaları keçirilib.
E qrupunda "Bavariya" Portuqaliyada "Benfika"ya qalib gəlib. Xallarını 12-yə çatdıran Münhen təmsilçisi sona 2 tur qalmış qrupdan çıxmağı təmin edib.
Bu qrupun digər matçında "Barselona" Ukraynada Kiyev "Dinamo"sunu çətinliklə məğlub edib.
Pley-offa vaxtından əvvəl yüksələn digər komanda isə "Yuventus" olub. H qrupunda mübarizə aparan Turin təmsilçisi evdə "Zenit" üzərində qələbə qazanaraq, adını növbəti mərhələyə yazdırıb.
Gecənin maraqlı görüşlərindən biri F qrupunda baş tutub. "Mançester Yunayted" İtaliyada "Atalanta" ilə heç-heçəyə razılaşıb.
G qrupunda Avstriya "Zaltsburq"u Almaniyada "Volfsburq"la qarşılaşıb.
Qonaqlar qalib gələcəyi halda pley-offa vəsiqəni vaxtından əvvəl təmin edəcəkdi. Lakin görüş meydan sahiblərinin qələbəsi ilə yekunlaşıb.
H qrupunda isə "Çelsi" İsveçdə "Malmö"nü minimal hesabla üstələyib. Yeganə qolu 56-cı dəqiqədə Hakim Ziyeş vurub. .
E qrupu
00:00. "Dinamo" (Kiyev, Ukrayna) - "Barselona" (İspaniya) - 0:1
Qol: Ansu Fati, 70
00:00. "Bavariya" (Almaniya) - "Benfika" (Portuqaliya) - 5:2
Qollar: Robert Levandovski, 26; 61; 84, Serj Qnabri, 32, Leroy Sane, 49 - Morato, 38, Darvin Nunyes, 76
{{widget-content-45161}}
Xal durumu: "Bavariya" - 12, "Barselona" - 6, "Benfika" - 4, "Dinamo" - 1.
F qrupu
00:00. "Vilyarreal" (İspaniya) - "Yanq Boyz" (İsveçrə) - 2:0
Qollar: Etyen Kapu, 36, Arno Qruneveld, 89
00:00. "Atalanta" (İtaliya) - "Mançester Yunayted" (İngiltərə) - 2:2
Qollar: Yosip İliçiç, 12, Duvan Sapata, 56 - Kriştianu Ronaldu, 45+1; 90+1
Xal durumu: "Mançester Yunayted" - 7, "Vilyarreal" - 7, "Atalanta" - 5, "Yanq Boyz" - 3.
G qrupu
21:45. "Volfsburq" (Almaniya) - "Zaltsburq" (Avstriya) - 2:1
Qollar: Bote Baku, 3, Lukas Nmeça, 60 - Maksimilian Vöber, 30
00:00. "Sevilya" (İspaniya) - "Lill" (Fransa) - 1:2
Qollar: Lukas Okampos, 15 - Conatan Devid, 43 (pen.), Conatan İkone, 51
Xal durumu: "Zaltsburq" - 7, "Lill" - 5, "Volfsburq" - 5, "Sevilya" - 3.
H qrupu
21:45. "Malmö" (İsveç) - "Çelsi" (İngiltərə) - 0:1
Qol: Hakim Ziyeş, 56
00:00. "Yuventus" (İtaliya) - "Zenit" (Rusiya) - 4:2
Qollar: Paulo Dibala, 11; 58 (penalti), Federiko Kyeza, 74, Alvaro Morata, 82 - Leonardo Bonuççi, 26 (avtoqol), Sərdar Azmun, 90+2
Xal durumu: "Yuventus" - 12, "Çelsi" - 9, "Zenit" - 3, "Malmö" - 0.
