"Təəssüf ki, Çempionlar Liqasında mübarizəni dayandırdıq.
Əslində pis oynamadıq, sadəcə, fərdi səhvlərdən uğursuzluğa düçar olduq".
Sportinfo.az xəbər verir ki, bu fikirləri Gürcüstanın "Dinamo" (Tbilisi) komandasının baş məşqçisi Kaxaber Tsxadadze Çempionlar Liqasının I raundunda "Neftçi"yə məğlubiyyəti şərh edərkən deyib.
53 yaşlı mütəxəssis bildirib ki, Bakı klubunun heyətində bu cür səhvləri bağışlamayan yüksək səviyyəli futbolçular var:
"Neftçi"yə qarşı hər iki oyunda məğlubiyyətə layiq deyildik. Kim fərqli düşünürsə, mübahisə edə bilərəm. "Makkabi" ilə matçlar həmin uğursuzluğu unutdurmaq üçün yaxşı şansdır".
Tbilisi təmsilçisi hər iki oyunda "Neftçi"yə 1:2 hesabı ilə uduzub.
