“Neftçi” müzakirəsi: “Yumruq kimi birləşsək, qorxacaq bir şeyimiz olmamalıdır”

22 İyul 21:20 Çempionlar Liqası 731
“Neftçi” müzakirəsi: “Yumruq kimi birləşsək, qorxacaq bir şeyimiz olmamalıdır”

"Qələbə qazanmağımız mütləq vacib idi. Əlbəttə, cavab matçı da var.

İlk qarşılaşmada nələrin yaxşı və pis alındığına baxacağıq. Bunun üçün vaxtımız olacaq".

Sportinfo.az xəbər verir ki, bu fikirləri "Olimpiakos"un futbolçusu Tanasis Andrutsos Yunanıstanda "Neftçi"yə 1:0 hesabı ilə qalib gəldikləri Çempionlar Liqasının II təsnifat mərhələsinin ilk oyunu barədə danışarkən deyib.

24 yaşlı yarımmüdafiəçi azarkeşlərin tribunalara qayıdışına sevindiyini bildirib: "Onlar üçün darıxmışdıq. Fanatlar bizim üçün əlavə qüvvə oldu".

Afina təmsilçisinin digər oyunçusu Giorqos Masuras Azərbaycan klubu ilə görüşdə çətinliklərin çox olduğunu söyləyib:

"Bütün bunların öhdəsindən gəlmək olmur. Bizim üçün hansısa maneə yoxdur. Yumruq kimi birləşsək, qorxacaq bir şeyimiz olmamalıdır.

Bəzi problemlər yaşadıq, onlara baxacağıq. Düşünürəm ki, cavab qarşılaşmasında daha yaxşı çıxış edəcəyik".

Komandalar arasındakı cavab oyunu iyulun 28-də "Bakcell Arena"da keçiriləcək.

Digər Xəbərlər
Xəbər Lenti