Azərbaycan millisinin və "Legiya"nın hücumçusu Mahir Emreli Çempionlar Liqasının I təsnifat mərhələsinin oyunlarından sonra qapıya ən çox dəqiq zərbə endirən futbolçular sırasına düşüb.
Sportinfo.az xəbər verir ki, 24 yaşlı forvard Norveçin "Budyo Qlimt" klubuna qarşı matçlarda (3:2, 2:0) 5 dəfə çərçivəni dəqiq nişan alıb.
Bu zərbələrin 2-si qolla nəticələnib. Nəticədə Emreli ikinci yerdə qərarlaşıb.
İlk sırada isə Monteneqronun "Buduçnost" komandasının yarımmüdafiəçisi Miloş Raiçkoviç yer alıb. Onun hesabında 6 dəqiq zərbə var.