.jpg)
“Burada atmosfer möhtəşəmdir”.
Sportinfo.az xəbər verir ki, “Legiya”nın azərbaycanlı hücumçusu Mahir Emreli Çempionlar Liqasının I təsnifat mərhələsində “Bodo-Qlimt”lə keçiriləcək cavab oyunu haqda danışıb.
Norveçdəki ilk qarşılaşmada dubl edərək komandasının qələbəsinə (3:2) töhfə verən millimizin forvardı evdə baş tutacaq cavab görüşünə ciddi hazırlaşdıqlarını söyləyib:
“Legiya”da hamı məni əla qarşıladı. Burada komanda yoldaşlarımla rus və ingilis dilində danışıram. Baş məşqçimiz müsbət enerjili insandır. Mənim kollektivə uyğunlaşmağıma çox kömək etdilər”.
Emrelinin sözlərinə görə, komanda yoldaşları kimi, o da "Legiya" azarkeşlərinin qarşısında oynamağı çoxdan gözləyir:
"Məşqlərdə onların səsini, dəstəyini eşidirik. Çoxdandır azarkeşlərin qarşısında oynamırıq. Hamı bu anı səbirsizliklə gözləyir".
Norveçdəki ilk oyunda dubl edən Mahir Emreli komandasına vacib qələbə qazandırmışdı.
a.jpg)
