Çempionlar Liqasında yarımfinal mərhələsinin digər oyunu keçirilib.
Sportinfo.az xəbər verir ki, Fransada PSJ ilə qarşılaşan "Mançester Siti" 2:1 hesablı əzmkar qələbə qazanıb.
Matçda hesabı meydan sahibləri açıblar. Markinyos 15-ci dəqiqədə komandasını önə çıxarıb. İlk hissə Paris təmsilçisinin minimal üstünlüyü ilə başa çatıb.
İkinci yarıya daha yaxşı başlayan qonaqlar 64-cü dəqiqədə Kevin De Bröyne, 7 dəqiqə sonra isə Riyad Mahrezin vurduğu qollarla hesabı öz xeyrinə dəyişib.
77-ci dəqiqədə PSJ-nin heyətində İdrissa Geye qırmızı vərəqə alaraq, meydandan qovulub. Beləliklə, səfərdə qələbə qazanan "şəhərlilər" cavab matçı öncəsi böyük üstünlük əldə edib.
PSJ (Fransa) - "Mançester Siti" (İngiltərə) - 1:2
Qollar: Markinyos, 15 - Kevin De Bröyne, 64, Riyad Mahrez, 71
Qırmızı vərəqə: İdrissa Geye, 77 (PSJ)
