UEFA İcraiyyə Komitəsi Çempionlar Liqasının yeni formatını müzakirə edib.
Sportinfo.az xəbər verir ki, 2024/25 mövsümündən etibarən ÇL-də 36 komandanın iştirakı təsdiqlənib.
Oynadığı liqada Çempionlar Liqasına yüksəlməyən, ancaq Çempionlar Liqasında ciddi nəticələr qazanmış 2 klub "Wild Card" ilə qruplara vəsiqə qazanacaq.
18 klub 2 qrupa ayrılacaq və qruplarda hər komanda 5 ev və 5 səfər matçı keçirəcək. 10 oyunun nəticəsinə əsasən, turnir cədvəli müəyyənləşdiriləcək.
İlk 8 yerin sahibi növbəti mərhələyə yüksələcək. Digər 8 komanda arasında pley-off oyunları baş tutacaq. Qaliblər növbəti raunda, məğlublar isə Avropa Liqasına yollanacaq.
Hazırda ÇL-in qrup mərhələsində 32 klub iştirak edir. ÇL-də son 16 komandanın qalmasından sonra turnir ənənəvi formatda davam etdiriləcək.
