Serbiyanın Loznitsa şəhərində boks üzrə U-19 Avropa çempionatı davam edir.
Sportinfo.az xəbər verir ki, Azərbaycan boksçusu Əli Baxışov yarışın yarımfinalına vəsiqə qazanıb.
Bu barədə Azərbaycan Boks Federasiyası məlumat yayb.
Əli Baxışov (60 kq) Kristian Haraşiki (Slovakiya) 4:1 hesabı ilə məğlub edərək yarımfinala yüksəlib. O, bununla da bürünc medalı təmin edib.
Əli avqustun 20-də final uğrunda Furkan Avarla (Türkiyə) qarşılaşacaq.
Daha öncə Banuçiçək Nəsirli (48 kq) də yarımfinala vəsiqə qazanıb. Boksçu avqustun 20-də Ellen Coysla (İrlandiya) final uğrunda döyüşəcək.
