Azərbaycan millisinin müdafiəçisi Rahil Məmmədovun yeni klubu bəlli olub.
Sportinfo.az xəbər verir ki, 28 yaşlı futbolçu Polşanın yüksək liqa təmsilçisi "Radomyak"a keçib.
Bu barədə klubun rəsmi saytı məlumat yayıb. Rahillə 2 illik müqavilə imzalanıb.
"Radomyak" ötən mövsüm Polşa liqasını 15-ci yerdə (18 komanda arasında) başa vurub.
R.Məmmədov bundan əvvəl də Polşada çıxış edirdi. Bu ilin yanvarında "LKS Lodz"a keçən müdafiəçi komandanın aşağı liqaya düşməsindən sonra klubdan ayrılıb.
