Azərbaycan millisinin futbolçusu Toral Bayramov yeni komandası “Bursaspor”da ilk oyununa çıxıb.
Sportinfo.az xəbər verir ki, I Liqa təmsilçisi Boludakı təlim-məşq toplanışında “Batman Petrolspor”la qarşılaşıb.
Bursalılar hər hissədə fərqli “11-lik”lə meydana çıxıb. Matça ehtiyatdan başlayan Toral fasilədən sonra mübarizəyə qoşulub.
Müdafiənin solunda yer alan Bayramov hətta 46-cı dəqiqədə fərqlənməyə də yaxın olub. Lakin 25 yaşlı futbolçunun zərbəsində azacıq dəqiqlik çatmayıb.
Hər iki qolun ikinci hissədə vurulduğu qarşılaşma 1:1 hesablı heç-heçə ilə yekunlaşıb.
