"Çempion olduğumuz üçün çox şadam".
Sportinfo.az xəbər verir ki, bunu “Xəzri”yə (74:69) qalib gələrək Azərbaycan Baketbol Liqasında çempion olan “Sabah”ın baş məşqçisi Rimas Kurtinaytis deyib.
64 yaşlı litvalı mütəxəssis görüşün gərgin mübarizə şəraitində keçdiyini bildirib:
“Xəzri" güclü komandadır. Onları çətinliklə məğlub etdik.
Hər iki komandanın ifasında gərgin oyun izlədik. Komandama qalib gəldikləri üçün öz təşəkkürümü bildirirəm.
Cari mövsüm çox çətin keçdi. Komandalar ildən-ilə gücünü artırır. Çempion olduğumuz üçün çox şadam".
Azərbaycan Basketbol Liqasının final seriyasının dörcüncü görüşündə “Xəzri” üzərində ardıcıl 3-cü qələbəsini qazanan “Sabah” qızıl medallara sahib çıxıb.
