Premyer Liqanın 21-ci turunda qeydə alınmış azarkeş sayı bəlli olub.
Sportinfo.az xəbər verir ki, turun rekordu Gəncədə qeydə alınıb.
Şəhər stadionunda baş tutmuş “Kəpəz” - “Zirə” oyununda (0:0) 5650 azarkeş qeydə alınıb. Turda ən az azarkeş isə “Qəbələ” - “Sumqayıt” qarşılaşmasında olub. Şəhər stadionunda “qırmızı-qaralar”ın “kimyaçılar”la qollu heç-heçəsini (1:1) cəmi 550 tamaşaçı izləyib.
Digər oyunlardan 8-ci km stadionunda keçirilmiş “Neftçi” - “Səbail” oyununda (2:0) 600, “Azərsun Arena”da baş tutmuş “Qarabağ” - “Keşlə” matçında (1:1) isə 1200 tamaşaçı qeydə alınıb.
Ümumilikdə, turun 4 oyununu 8000 tamaşaçı izləyib ki, bu da, hər oyuna orta hesabla 2000 azarkeş deməkdi.
.jpg)
