Azərbaycan kubokunun finalını canlı izləmək istəyənlər əlini cibinə salmalı olacaq.
Artıq bununla bağlı yarışın təşkilatçısı Peşəkar Futbol Liqasında müzakirə aparılıb və qərar verilib.
Belə ki, “Qarabağ” – “Zirə” qarşılaşması zamanı Qəbələdəki stadionda yer almaq həvəsinə düşənlər 2-10 manatından keçməlidir. Biletlər yerə uyğun olaraq bu rəqəmlər arasında dəyişəcək.
Biletlər, “Qarabağ”, “Zirə”, həmçinin neytral azarkeşlər arasında bərabər paylanacaq.
Azərbaycan kubokunun final matçı mayın 27-də Qəbələ şəhər stadionunda baş tutacaq.
HƏBİB / SPORTİNFO.AZ
