Yanvarın 16-da Afrika Millətlər Kubokunda E qrupunun 2-ci turunda Əlcəzair və Ekvatorial Qvineya qarşılaşıb.
Sportinfo.az xəbər verir ki, Kamerunun “Duala” stadionunda keçirilən qarşılaşma 1:0 hesabı ilə Ekvatorial Qvineyanın xeyrinə başa çatıb.
Bununla da Əlcəzairin 35 oyunluq məğlubiyyətsiz seriyası qırılıb. Bu müddətdə əlcəzairlilər 25 qələbə qazanıb, 10 oyunda heç-heçə etmişdilər.
Onların dünya rekordunu təkrarlaması üçün cəmisi 2 oyunu çatmadı.
Dünya rekordu İtaliya yığmasına məxsusdur – 37 oyun. Roberto Mançininin komandası 37 görüşdə 28 qələbə qazanıb və 9 dəfə heç-heçə edib.
