Azərbaycanın geriləməsinə səbəb oldu - Sloveniyalılar

14 İyul 11:20 Araşdırma 415
Azərbaycanın geriləməsinə səbəb oldu - Sloveniyalılar

Azərbaycan UEFA reytinqində geriləyib.

Sportinfo.az xəbər verir ki, buna Çempionlar Liqasının I təsnifat mərhələsinin cavab qarşılaşmalarının ilk oyun günü səbəb olub.

Sloveniyanın “Mura” klubu öz meydanında Şimali Makedoniya təmsilçisi “Şkendiya”nı qəbul edib. Meydan sahibləri görüşdə qələbə qazanıb - 5:0.

Bu, Sloveniyanın son 5 mövsümün nəticələrinə əsasən hesablanan UEFA reytinqini 13,000-a çatdırıb. Balkanlılar bunun sayəsində cədvəldə 2 pillə irəliləyib.

Sloveniya 12,875 xala malik Azərbaycanın da geriləməsinə səbəb olub. Ölkəmiz 28-ci pillədən 29-a enib. Balkanlılar əlavə göstəricilərdə eyni xalı olan Qazaxıstanı da keçərək 27-ci yerdə qərarlaşıb.

İlk matçda da 1:0 hesabı ilə qalib gələn “Mura” II təsnifat mərhələsinə yüksəlib.

Azərbaycan təmsilçisi “Neftçi” Tbilisi “Dinamo”su ilə ev oyununu bu gün keçirəcək və qələbə təqdirində mövqeyimiz qaytarılacaq.

Digər Xəbərlər
Xəbər Lenti
19 Sentyabr 16:00 İndi say, babam, say!