I Divizionda II turun oyunlarına start verilib.
Açılış həftəsində Bakıda MOİK-ə uduzan (0:2 "Zaqatala" bu dəfə doğma meydanda "Mingəçevir"i qəbul edib.
Qarşılaşma ev sahiblərinin 2:1 hesablı qələbəsiylə başa çatıb. Baxmayaraq ki, ilk qolu qonaqlar vurub.
Ruslan Voronsov 14-ci dəqiqədə hesabı açarkən, sevincini salto vurmaqla qeyd etmək istəyib. Bu zaman onun ikinci cəhddə yerə yıxılması diqqəti çəkib.
"Zaqatala"dan Cəlal Cəbrayılov 33-cü dəqiqədə status-kvonu bərpa edib, 84-cü dəqiqədə isə komandasına 3 xal qazandıran qola imza atıb.
Cəlalın «qayçı» vuruşu gözəl alınıb və yəqin ki, mövsümün ən yaxşıları arasında yer alacaq.
SPORTİNFO.AZ