“Mingəçevir” martın 17-də müqaviləsinə qarşılıqlı razılıq əsasında xitam verdiyi Orxan Sadıqlını geri qaytarıb.
Qapıçı artıq düşərgəyə dönüb və məşqləri bərpa edib.
2025-ci ilin yayından bu tərəfə komandanın formasını geyinən kiperin birdən-birə buradan göndərilməsinin səbəbi var idi - «işıqçılar» məcburiyyət üzündən belə bir addım atmışdı.
Belə ki, 33 yaşlı «əlcək sahibi» müqaviləsi pozulan gün hüquq-mühafizə orqanlarının əməkdaşları tərəfindən saxlanılıb. O, günorta saatlarında Mingəçevir şəhər stadionundan aparılıb.
«Xəzər Lənkəran»ın yetirməsi şəxsi müstəvidə yaşadığı problem üzündən bu vəziyyətlə üzləşib.
Sadıqlının I Liqanın 18-ci turunda «Səbail»ə qarşı matçda yol verdiyi səhvi də yaddan çıxarmamalıyıq.
O, Mingəçevirdə keçirilən matçın 45-ci dəqiqəsində yaşına və təcrübəsinə yaraşmayan kobud səhvə yol verərək, komandasının 0:1 hesablı məğlubiyyətinə səbəbkar olub.
Kapitan sarğısı daşıyan qapçının şübhə doğuran bu xətası Premyer Liqanı hədəfləyən «işıqçılar»ın iddiasına zərbə vurub, onu turnir cədvəlində dördüncü pilləyə endirib.
SPORTİNFO.AZ
.jpg)
.jpg)
